काठमाडौं ।
राष्ट्रिय झण्डा जलाउन संलग्न ९ जनालाई प्रहरीले पक्रेको छ । प्रहरीका अनुसार राष्ट्रिय झण्डा जलाएको म्युजिक भिडिओ बनाउने मुख्य अभियुक्त ग्याल्जोम दोर्जे तामाङ्ग सहित हालसम्म ९ जनालाई पक्राउ गरिएको हो ।
प्रहरीको टोलीले उनीहरुलाई मंगलबार र बुधबार पक्रेको जनाएको छ । पक्राउ गरिएका विरुद्ध कानुन बमोजिम कारबाही गरिने प्रहरीले बताएको छ ।
सोमबार एक युट्युव च्यानल मार्फत ‘देशद्रोही’ नामको म्युजिक भिडिओ सार्वजनिक गरिएको थियो जसमा भिडिओको ४० औं सेकेन्डमा गायक तामाङले झण्डा जलाउँछन् ।
चौतर्फी विरोध भएपछि अनुसन्धान थालेको महानगरीय अपराध महाशाखाले ६ जनालाई पक्रेको हो ।
म्युजिक भिडिओ भने मकवानपुरको वाग्मती गाउँपालिका ३ स्थित सल्लेनीको विष्णु आधारभूत विदयालयमा खिचिएको देखिन्छ ।
0 coment rios: